Undanþágubeiðni lögreglunnar á höfuðborgarsvæðinu til Eflingar, um að áfram verði hægt að afla eldsneytis til að knýja bifreiðar embættisins, liggur enn á borði verkalýðsfélagsins.

Embættið hafði engin svör fengið nú á sjötta tímanum. Þetta herma heimildir mbl.is.

Fram kom í tilkynningu frá verkalýðsfélaginu um hádegi í dag að und­anþágu­nefnd þess myndi hefja afgreiðslu slíkra beiðna, er varða olíudreifingu, í dag.

Tekið var fram að Efling hefði þegar rætt við lög­reglu, slökkvilið og Vega­gerðina á óform­leg­an máta. Allt bendi til „góðs sam­starfs við þessa aðila um veit­ingu og fram­kvæmd und­anþága“.

Tengdar fréttir

Kjaraviðræður

Vilja hækka frítekjumörk og tekjur

• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms
• Lögreglumenn fella kjarasamning

» Fleiri tengdar fréttir

• Blogga um frétt