Lögreglan skoði ný gögn í Óshlíðarmálinu

Ríkissaksóknari hefur fellt úr gildi ákvörðun lögreglustjórans á Vestfjörðum um að hætta rannsókn á Óshlíðarmálinu svokallaða. Rúv greinir frá.

Málið varðar andlát Kristins Hauks Jóhannessonar, nítján ára gamals pilts, fyrir um 50 árum. Hann var farþegi í bíl sem talið er að hafi farið út af í blindbeygju í Óshlíð þann 23. september árið 1973. Var hann sagður hafa látist af slysförum.

Frétt af mbl.is

Maðurinn lést í bílslysi fyrir tæpum 50 árum

Hætti rannsókn í október

Í maí á síðasta ári var greint frá því að lögreglan á Vestfjörðum hefði grafið upp líkamsleifar hans upp úr kirkjugarði til að rannsaka málið frekar.

Í október á síðasta ári ákvað lögreglustjórinn á Vestfjörðum að hætta rannsókninni og vísaði þá til þess að niðurstaða rannsóknar benti ekki til annars en að farþeginn hefði látist af afleiðingum umferðarslyss.

Frétt af mbl.is

Lögregla hættir rannsókn á bílslysinu

Taki afstöðu til nýrra gagna

Ríkissaksóknarinn hefur nú lagt fyrir lögreglustjórann að taka afstöðu til nýrra gagna og á grundvelli þeirra meta hvort að tilefni sé til frekari rannsóknargerðar, að því er fram kemur í umfjöllun RÚV. 

Þetta mun vera í annað skiptið sem ríkissaksóknari fer fram á að lögreglustjórinn á Vestfjörðum rannsaki málið frekar.

• Blogga um frétt