Eldsneytisafgreiðslu á þremur stöðvum N1 hefur verið lokað vegna verkfalls flutningabílstjóra sem eru í stéttarfélaginu Eflingu og starfa hjá Olíudreifingu.

Umræddar stöðvar eru í Skógarlind, á Vallarheiði og á Flúðum.

Frétt af mbl.is

„Erum að reyna að tala saman“

Fram kemur á vefsíðu N1 að raskanir geti orðið á flutningi á eldsneyti til N1-stöðva vegna verkfallsins.

„Síðastliðnar vikur höfum við undirbúið viðskiptavini og starfsfólk okkar eins vel og hægt er,“ segir á síðunni.

Í tilkynningu á vefsíðu Skeljungs kemur fram að vegna verkfallsins verði ekki hægt að bjóða upp á eldsneytisdreifingu á höfuðborgarsvæðinu frá og með klukkan 12 í dag í óákveðinn tíma.

„Verkfallið hefur ekki teljandi áhrif á eldsneytisdreifingu utan höfuðborgarsvæðisins nema í Ölfusi og Hveragerði þar sem dreift er frá birgðastöð staðsettri í Reykjavík. Bátadælur eru opnar og verða þjónustaðar eins og venjulega,“ segir í tilkynningunni.

Á vefsíðu Olís má fylgjast með birgðastöðu eldsneytis á stöðvum fyrirtækisins. 

Tengdar fréttir

Kjaraviðræður

Eins og ef „Kjörbúðin á Blönduósi færi í verkfall“

• „Við munum ekki hvílast fyrr en þetta klárast“
• „Við erum ennþá í fullum gangi“
• „Verulegur framgangur“ og fjölmiðlabann í deilunni
• KÍ: „Rannsóknarefni“ hvernig Inga tjáir sig

» Fleiri tengdar fréttir

• Blogga um frétt