Verslanir verða opnar yfir helgina

„Við gerum allt sem við getum til að halda eðlilegri starfssemi,“ segir Guðrún Aðal­steins­dótt­ir, fram­kvæmda­stjóri Krón­unn­ar í samtali við mbl.is en fleiri hafa gert sér ferð í matvöruverslanir á síðustu dögum til að undirbúa sig undir verkfall olíubílstjóra í Eflingu.

„Það er aðeins meira að gera en venjulega, það eru stærri körfur en það er ekki verið að hamstra. Fólk er í rauninni bara að gera ráð fyrir að það komist ekki í verslun næstu daga.“

Frétt af mbl.is

Svipað mynstur og í Covid

Guðrún segir að búið sé að gera ráðstafanir í verslunum Krónunnar en þau hafa verið að birgja sig upp síðustu daga.

„Við erum í góðu samstarfi við okkar flutningsaðila og birgja varðandi dreifingu í verslanir. Verslanir verða að sjálfssögðu opnar út helgina.“

Guðrún Aðalsteinsdóttir framkvæmdastjóri Krónunnar. Morgunblaðið/Sigurður Bogi

• Blogga um frétt