Verkfalli félagsmanna í Eflingu hefur verið frestað fram á sunnudag. Settur ríkissáttasemjari hefur boðað fund klukkan 10 í fyrramálið.

Þetta var tilkynnt rétt í þessu í Karphúsinu.

Þá hefur verið fyrirskipað svokallað fjölmiðlabann sem mun væntanlega fela í sér að deiluaðilar megi ekki ræða við blaðamenn.

Forsenda fyrir áframhaldandi viðræðum

Samninganefndir Eflingar og Samtaka atvinnulífsins hafa fundað í dag frá því klukkan 10 í morgun með Ástráði Haraldssyni, settum ríkissáttasemjara í kjaradeilunni.

Eins og Morgunblaðið greindi frá í morgun gerðu SA það að forsendu fyrir áframhaldandi kjaraviðræðum að verkfalli yrði frestað.

Frétt af mbl.is

Forsenda viðræðna að verkfalli verði frestað

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

• Blogga um frétt