Húsin sem stóðu á Heklureitnum svonefnda hverfa sjónum jafnt og þétt. Vinnuvélar hafa verið þar að störfum undanfarna mánuði til að undirbúa reitinn fyrir nýbyggingar.

Eins og komið hefur fram í Morgunblaðinu stendur til að reisa þarna allt að 440 íbúðir á næstu árum. Í tveimur fyrstu áföngunum rísa 180 íbúðir. Miðað við að meðalsöluverð íbúðar sé 80 milljónir króna er söluverðmæti íbúða á reitnum um 35 milljarðar.

Áformað er að hefja sölu á fyrstu íbúðunum árið 2025, en byrjað verður á tveimur átta hæða fjölbýlishúsum út frá horni Laugavegar og Nóatúns. Hæðirnar verða átta næst Laugaveginum en stallast niður upp að Brautar­holti.

Reiturinn komst í eigu Arnar Kjartanssonar og félaga haustið 2021. Þeir hafa skipt reitnum í fimm hluta en eftir er að rífa eldri hús fyrir síðari áfanga verksins.

mbl.is/Árni Sæberg

Tengdar fréttir

Húsnæðismarkaðurinn

Búseta skortir byggingarlóðir

• Horfa út fyrir Reykjavík vegna bílstæðaskorts
• „Það er verið að byggja rangar íbúðir“
• Skortur á bílastæðum fælir frá
• Sjö af 160 íbúðum seldust

» Fleiri tengdar fréttir