Samkomulag ríkissáttasemjara og Eflingar, um að una niðurstöðu Landsréttar í innsetningarmáli embættisins gegn verkalýðsfélaginu, er ekki skuldbindandi.

Samkvæmt lögum um meðferð einkamála var hvorugum aðilanum heimilt að afsala sér málskotsrétti sínum áður en Landsréttur kvað upp úrskurð sinn í málinu á mánudag.

Ríkissáttasemjari gæti því enn reynt að kæra úrskurðinn til Hæstaréttar.

Kristín Benediktsdóttir, dósent í réttarfari við lagadeild Háskóla Íslands, staðfestir þessa túlkun laganna í samtali við Morgunblaðið.

Lög um meðferð einkamála

Samkomulagið gerði Aðalsteinn Leifsson ríkissáttasemjari fyrir hönd embættisins, áður en Landsréttur kvað upp úrskurð sinn.

Samkvæmt 2. mgr. 176. gr. laga nr. 91/1991, um meðferð einkamála, má ekki afsala sér rétti til að skjóta máli til Hæstaréttar fyrr en niðurstaða Landsréttar liggur fyrir.

Nánar tiltekið segir í ákvæðinu: „Afsal á rétti til málskots til Hæstaréttar, hvort heldur berum orðum eða þegjandi, verður ekki gefið fyrr en dómur er genginn í máli.“

Nánar er fjallað um málið í Morgunblaðinu í dag.

Tengdar fréttir

Kjaraviðræður

Hjúkrunarfræðingar skrifa undir kjarasamning

• Lýsa yfir stuðningi við kennara
• Formenn funda aftur með ríkissáttasemjara á morgun
• Formenn KÍ og SÍS funda með ríkissáttasemjara
• „Sýnum þessum börnum og ungmennum nærgætni“

» Fleiri tengdar fréttir