Fimm fluttir á slysadeild – slökkvistarfi lokið
Setja bókamerki
Fimm voru fluttir á slysadeild eftir eldinn sem kviknaði á áfangaheimilinu Betra líf í Vatnagörðum í morgun. Að sögn varðstjóra hjá slökkviliðinu á höfuðborgarsvæðinu glímdu allir fimm einstaklingarnir við óþægindi vegna reyks en enginn er alvarlega slasaður.
Allir sem voru í húsnæðinu komust út af sjálfsdáðum.
Slökkviliðið hefur lokið við að slökkva eldinn og er byrjað að ganga frá. Reykurinn í húsnæðinu var talsvert mikill og kviknaði eldur í að minnsta kosti einu rými.
Reykræstingu er lokið, auk þess sem slökkt hefur verið í glæðum. Starfsmenn Rauða krossins mættu á staðinn til að veita þeim aðstoð sem á þurftu að halda.
Lögreglan er að taka við vettvanginum og mun í framhaldinu rannsaka upptök eldsins. Samkvæmt upplýsingum mbl.is kviknaði eldurinn í einu herbergi áfangaheimilisins.
Svandís nýr formaður og Guðmundur varaformaður
„Ég bjóst ekki við þessum mikla halla“
Leggur fram vantrauststillögu á oddvitann
„Ekkert okkar vilji afskrifa Reykjanesskagann“
Skýr skilaboð um að flýta vinnunni
Allt fullt af glerbrotum og laugin lokuð
Skrifar um ást og sorg í lífi Jónasar