Stjórn Sagnfræðingafélags Íslands lýsir yfir andstöðu við hugmyndir meirihluta borgarstjórnar um að leggja Borgarskjalasafn niður í núverandi mynd og færa lögbundna starfsemi þess undir Þjóðskjalasafn.

Þetta kemur fram í ályktun félagsins, sem mbl.is hefur fengið senda.

„Ekki er ætlunin að kasta rýrð á getu Þjóðskjalasafns til að sinna verkefninu vel, enda er rekstur héraðsskjalasafna undir faglegu eftirliti þess. Það væri hins vegar afturför ef stærsta sveitarfélag landsins yrði fyrst til að leggja niður eigið skjalasafn og missa þannig mikilvæga starfsemi Borgarskjalasafns,“ segir í ályktuninni.

Frétt af mbl.is

Starfsfólk safnsins slegið

Lendi ekki undir niðurskurðarhnífnum

„Þá er meinlegt að þetta sé gert án samráðs við borgarskjalavörð eða aðra fagmenn. Mikilvægt er að draga ekki úr getu til varðveislu og miðlunar sögunnar, ekki síst á tímum upplýsingaóreiðu og falsfrétta.

Því þarf að gæta þess að söfn og menningarstofnanir á borð við Borgarskjalasafn lendi ekki undir niðurskurðarhníf stjórnvalda. Þess utan verður ekki séð að verulegir fjármunir sparist við þessa ráðstöfun en héraðsskjalasöfn njóta lögum samkvæmt styrks úr ríkissjóði samkvæmt því sem er ákveðið í fjárlögum hverju sinni.

Því skorar stjórn Sagnfræðingafélags Íslands á borgarstjórn að hverfa frá áformum um að leggja niður Borgarskjalasafn. Þess í stað verði efnt til samráðs um framtíð þess við fagfólk á sviði safnareksturs, skjalavörslu og sagnfræði.“

Tengdar fréttir

Lokanir héraðsskjalasafna

Alvarleg og óskiljanleg atlaga

• Öllum náttúrufræðingum sagt upp
• Hætta á að menn­ing­ar­verðmæti glat­ist
• Gagnrýna vinnubrögð sveitarstjórna og KPMG
• Skora á meirihlutann að endurskoða ákvörðunina

» Fleiri tengdar fréttir

• Blogga um frétt