Landsréttur staðfestir brot starfsmanns sambýlis

Lands­rétt­ur staðfesti fyr­ir helgi sex mánaða fang­els­is­dóm manns sem var sak­felld­ur fyr­ir kyn­ferðis­brot og hót­an­ir. ­Hann framdi brotin sem starfsmaður sam­býli fatlaðra .

Maðurinn tók upp myndskeið af íbúa sambýlisins handleika kynfæri sín og sendi þau á samstarfsmann sinn. Samstarfsmaðurinn sagði brotamanninum að hann myndi greina forstöðumanni stofnunarinnar frá því að hann hafi sent sér myndskeiðið en í kjölfar þess hótaði brotamaðurinn samstarfsmanni sínum.

Frétt af mbl.is

Ákærður fyrir kynferðisleg myndskeið af vistmanni

Geti ekki talist opinber starfsmaður sem óbreyttur starfsmaður

„Eg er lika fara berja þig svo alvarlega“, „eg er buinn að hringja lika i folk [B] minn“ og „ef þu ætlar að jarða mitt mannorð þar sem eg hef reynt að standa mig eins og eg get, þa mun eg gjorsamlega ganga fra þer“ er meðal þess sem brotamaðurinn sendi á samstarfsmann sinn að því er fram kemur í dómnum.

Landsréttur taldi þó ekki lögheimild fyrir því að refsa manninum sérstaklega fyrir brot sem opinber starfsmaður í skilningi almennra hegningarlaga í ljósi þess að hann hafi ekki getað tekið eða haft áhrif á ákvarðanir um réttindi og skyldur heimilismanna á sambýlinu sem er skilyrði þeirrar refsiheimildar.

Manninum var gert að greiða brotaþola 400.000 krónur í miskabætur auk þrjá fjórðu hluta áfrýjunarkostnaðar málsins.

• Blogga um frétt