„Samtök atvinnulífsins sigldu í dag kjaraviðræðum við samninganefnd Eflingar í strand. Samtökin reyndust óviljug til að koma til móts við Eflingu, jafnvel þótt aðeins væri um að ræða aðlaganir innan þess ramma sem þegar hefur verið samið um við önnur stéttarfélög.“

Þetta kemur fram í yfirlýsingu sem að Efling sendi frá sér rétt í þessu en eins og áður hefur verið greint frá var kjaraviðræðum Samtaka atvinnulífsins (SA) og Eflingar slitið í dag þar sem ekki var komist að samkomulagi.

Munu verkfallsaðgerðir því hefjast aftur á miðnætti að öllu óbreyttu. 

Frétt af mbl.is

Viðræðum SA og Eflingar slitið

Allt breyttist í dag

Í yfirlýsingunni segir að gangur hafi verið í viðræðunum á föstudag og laugardag en í dag hafi blaðinu verið snúið við. Að mati Eflingar lagði samninganefndin sig alla fram til að koma að tillögum til lausna og þar með teygt sig eins langt og hún gat.

„Við höfum bent á ótal leiðir til aðlögunar á gildandi kjarasamningum að okkar aðstæðum og samsetningu. Því hefur öllu verið hafnað, eða verið svarað með útspilum sem eru vísvitandi móðganir ætlaðar til að keyra þessa tilraun í þrot. Á þeim nótum lauk deginum í dag, þar sem við skynjuðum stórbreytt og verra andrúmsloft af hálfu Samtaka atvinnulífsins heldur en í gær og fyrradag.“

Þá kemur fram að verkfallsaðgerðir félagsfólks í Eflingu á Íslandshótelum, Berjaya-hótelkeðjunni, Edition-hótelinu og hjá Samskipum, Olíudreifingu og Skeljungi hefjist að nýju á miðnætti í kvöld.

Tengdar fréttir

Kjaraviðræður

„Það er búið að þvarga hérna fram og til baka“

• „Ég veit hver aðkoma ráðuneytisins var“
• Nýtt að gestalistinn sé umræðuefni á Alþingi
• „Bara eins og í annarri stórgripaslátrun“
• Efling vísar kjaradeilu til ríkissáttasemjara

» Fleiri tengdar fréttir

• Blogga um frétt