„Það er alltaf spurning hversu langt verkbann eða verkfall verður áður en við lendum í vandræðum með að útvega mat, bæði í leikskóla og grunnskóla og í frístundastarfi,“ segir Helgi Grímsson, sviðsstjóri skóla- og frístundasviðs Reykjavíkurborgar.

„Það sem mun hafa hve mest áhrif er olíudreifingin. Það er nú bara hreinlega til að tryggja matvöru,“ segir Helgi í samtali við mbl.is.

Stjórn Sam­taka at­vinnu­lífs­ins (SA) samþykkti ein­róma að leggja það til við aðild­ar­fyr­ir­tæki sín að setja alls­herj­ar­verk­bann á Efl­ingu og hófst at­kvæðagreiðsla um til­lög­una í dag.

Frétt af mbl.is

Leggja til verkbann á Eflingu

„Ef það kemur til verkbanns þá hefur það takmörkuð áhrif í upphafi,“ segir Helgi.

Hann segir að í allmörgum grunnskólum og leikskólum þurfi starfsfólk skólans sjálft að útvega matvæli fyrir mötuneyti skólanna. 

„Þá snýst það bara um hversu lengi birgjarnir hafi olíu á bílunum til þess að koma matvöru til okkar.“

„Skólamatur er okkar stærsti birgi sem við erum með aðkeypta matarþjónustu frá, hann er í Reykjanesbæ þannig það er ekki Eflingarfólk þar,“ segir Helgi en bætir við að verið sé að skoða hlutfall starfsfólks Eflingar hjá öðrum birgjum sem sinna skóla- og frístundasviðs borgarinnar.

Frétt af mbl.is

„Ég lít á þetta sem þvingað varnarviðbragð“

Þrif verði viðunandi

Hvað varðar þrif í skólum Reykjavíkur segir Helgi að um fjórðungur starfsmanna þess fyrirtækis sem sér um ræstingar hjá flestum skólum í Reykjavík sé í Eflingu, hinir séu í Hlíf.

„Þannig það mun hægja á þjónustunni hjá þeim, en á að vera viðunandi,“ segir Helgi.

Ragn­ar Árna­son, for­stöðumaður vinnu­markaðssviðs SA, segir í skriflegu svari til mbl.is að skólar og leikskólar séu almennt þrifnir af félagsfólki Eflingar sem leggja muni niður störf á hádegi 28. febrúar, verði verkfall samþykkt.

„Við vitum ekkert um hvort Efling mun veita undanþágur en verði af verkföllum þá munu skólar væntanlega loka, strax eða fljótlega. Það hefur mikil áhrif á foreldra á vinnumarkaði ef börn ganga ekki í skóla,“ segir Ragnar.

Ragnar Árnason, forstöðumaður vinnumarkaðssviðs Samtaka atvinnulífsins. mbl.is/Hákon Pálsson

Eflingarfólk þegar orðið fyrir miklum áhrifum

Ragnar segir að allt Eflingarfólk eigi aðild að vinnudeilunni við SA og njóti góðs af niðurstöðunni en Efl­ing mun ekki greiða neina styrki úr vinnu­deilu­sjóði til fé­lags­fólks vegna verk­banns.

„Þetta Eflingarfólk er starfandi í fyrirtækjum sem hafa þegar orðið eða verða síðar fyrir verulegum áhrifum af verkföllum, t.d. vegna olíuskorts, skorts á aðföngum eða munu jafnvel loka vegna verkfalls ræstingafólks. Það kemur því nokkuð á óvart að Efling ætli að neita þessu félagfólki sínu um styrki komi til þess að það taki þátt í vinnustöðvuninni,“ segir Ragnar.

Tengdar fréttir

Kjaraviðræður

„Það er búið að þvarga hérna fram og til baka“

• „Ég veit hver aðkoma ráðuneytisins var“
• Nýtt að gestalistinn sé umræðuefni á Alþingi
• „Bara eins og í annarri stórgripaslátrun“
• Efling vísar kjaradeilu til ríkissáttasemjara

» Fleiri tengdar fréttir

• Blogga um frétt