Félagar í stéttarfélaginu Eflingu hafa samþykkt verkfallsboðanir í öryggisgæslu, hjá ræstingarfyrirtækjum og á hótelum með afgerandi meirihluta í öllum tilvikum. Þetta kemur fram í tilkynningu frá Eflingu í  kvöld. 

711 voru á kjörskrá í atkvæðagreiðslunni um verkfallsboðun á hótelum. Þar af greiddu 288 atkvæði með, 76 á móti og 17 tóku ekki afstöðu. Verkfall var því samþykkt með tæplega 76% atkvæða. Kjörsókn var tæp 54%.

Í atkvæðagreiðslunni um verkfallsboðun meðal öryggisvarða voru 414 á kjörskrá. Þar af greiddu 130 atkvæði með, 59 á móti og 13 tóku ekki afstöðu. Verkfall var því samþykkt með rúmlega 64% atkvæða. Kjörsókn var tæplega 49%.

909 voru á kjörskrá í atkvæðagreiðslunni um verkfallsboðun hjá ræstingarfyrirtækjum. Þar af greiddu 289 atkvæði með, 40 á móti og 20 skiluðu auðu. Verkfall var því samþykkt með tæplega 83% atkvæða. Kjörsókn var rúmlega 38%, segir í tilkynningu Eflingar.

Um er að ræða ótímabundnar vinnustöðvanir sem allar hefjast klukkan 12.00 á hádegi þriðjudaginn 28. febrúar.

Tengdar fréttir

Kjaraviðræður

„Ég er bara vongóður“

• Stjórnvöld stíga ekki inn í kjaradeilurnar
• Biðlistar eftir skurðaðgerðum gætu lengst
• Engin læknisþjónusta á heilsugæslunni í verkfalli
• Kjör kennara hafi vaxið langt umfram almennan markað

» Fleiri tengdar fréttir

• Blogga um frétt