Lenya Rún Taha Karim þingmaður Pírata telur að kröfur Eflingar ekki ósanngjarnar og segir að ríkisstjórnin beri ábyrgð á því hve fasteignaverð hefur hækkað ört á höfuðborgarsvæðinu sem íþyngi fólki á vinnumarkaði.

„Staðan er mjög alvarleg og verkbann er mjög íþyngjandi aðgerð sem ekki hefur verið gripið til í um 30 ár.  Ég held að kröfur Eflingar séu ekki ósanngjarnar. Ekki í það minnsta svo ósanngjarnar að SA neiti að ganga að þeim. Ég held líka að ábyrgð ríkisstjórnarinnar sé mikil í þessu samhengi. Fólk er að biðja um launahækkanir því ríkisstjórnin hefur ekki staðið við loforð sín um að uppbyggingu á höfuðborgarsvæðinu,“ segir Lenya Rún í samtali við mbl.is.  

Bendir hún á að í stjórnarsáttmála hafi verið rætt um uppbyggingu á höfuðborgarsvæðinu. 

Í ljósi þess að þú telur kröfur Eflingar ekki ósanngjarnar. Eru stjórnmálamenn með upplýsingar um það hverjar þær kröfur eru? 

„Nei ég er bara að vísa í það sem Sólveig Anna og Halldór Benjamín hafa sagt í fjölmiðlum. En einnig er að vísa í það að nú er árið 2023 og fólk þarf ennþá að berjast með þessum hætti fyrir mannsæmandi launum,“ segir Lenya Rún.  

Tengdar fréttir

Kjaraviðræður

„Það er búið að þvarga hérna fram og til baka“

• „Ég veit hver aðkoma ráðuneytisins var“
• Nýtt að gestalistinn sé umræðuefni á Alþingi
• „Bara eins og í annarri stórgripaslátrun“
• Efling vísar kjaradeilu til ríkissáttasemjara

» Fleiri tengdar fréttir

• Blogga um frétt