Birgðastaða í verslunum er góð og ber ekki á því að fólk sé farið að hamstra í verslunum. Þetta segja forsvarsmenn Bónuss og Krónunnar í samtali við mbl.is.

Enn sem komið er eiga birgjar nóg af eldsneyti, svo ekki er það farið að hafa áhrif á vörudreifingu til verslana. Verkfallið er því ekki farið að bitna á vöruúrvali í verslunum.

Framkvæmdastjóri Krónunnar, Guðrún Aðalsteinsdóttir, segir að ef birgjar geti ekki dreift vörum til verslana sjáist það fljótt í vöruúrvali verslananna. Taka muni tvo til þrjá daga að fara að sjá á framboði ferskvöru, en lengri tíma þegar kemur að öðrum vörum.

Ekkert bendi þó til þess að slíkt komi upp á næstunni.

Forsvarsmenn verslana segjast vera í góðu samtali við birgja og tilbúnir að bregðast við hnökrum í framboðskeðjunni.

Tengdar fréttir

Kjaraviðræður

„Það er búið að þvarga hérna fram og til baka“

• „Ég veit hver aðkoma ráðuneytisins var“
• Nýtt að gestalistinn sé umræðuefni á Alþingi
• „Bara eins og í annarri stórgripaslátrun“
• Efling vísar kjaradeilu til ríkissáttasemjara

» Fleiri tengdar fréttir

• Blogga um frétt