Sprengjuhótanir bárust á nokkra staði

Sprengjuhótanir bárust nokkrum stofnunum og vinnustöðum í Reykjanesbæ með tölvupósti í morgun, þar meðal í Ráðhús Reykjanesbæjar og leikskólann Völl.

Úlfar Lúðvíksson, lögreglustjóri á Suðurnesjum, segir í samtali við mbl.is að málið sé til rannsóknar. Verið sé að rannsaka efni tölvupóstanna og hvaðan þeir koma.

Frétt af mbl.is

Sprengjuhótunin „mjög ótrúverðug“

Í samtali við mbl.is í morgun sagði Sölvi Rafn Rafnsson, aðalvarðstjóri hjá lögreglunni á Suðurnesjum, að sprengjuhótunin hefði ekki verið talin trúverðug. Starfsmenn Reykjanesbæjar tóku engu að síður ákvörðun um að rýma Ráðhúsið vegna hótunarinnar.

Leikskólinn ekki rýmdur

Leikskólinn Völlur var hins vegar ekki rýmdur, en í tölvupósti sem sendur var til foreldra og forráðamanna barna á leikskólanum kemur fram að lögregla hafi ekki talið þörf á rýmingu. Í póstinum kom jafnframt fram að stjórnendur leikskólans væru í góðum samskiptum við lögreglu sem myndi leiðbeina þeim í málinu.

Sprengju­leit­ar­hund­ur frá sér­sveit rík­is­lög­reglu­stjóra var feng­inn til að leita að sprengju í Ráðhús­inu en að sögn Sölva Rafn fannst þar ekk­ert grun­sam­legt.

• Blogga um frétt