Alþýðusamband Íslands (ASÍ) hefur ákveðið að stefna Samtökum atvinnulífsins (SA) fyrir Félagsdómi til þess að fá boðað verkbann gegn félagsfólki Eflingar ógilt.

Þetta kemur fram í tilkynningu frá Eflingu.

Frétt af mbl.is

Verkbann SA á Eflingu samþykkt

Halldór Benjamín Þorbergsson, framkvæmdastjóri SA, staðfestir í samtali við mbl.is að SA hafi borist stefna frá ASÍ í gær. Halldór vildi að öðru leyti ekki tjá sig um málið.

Þingfest á mánudaginn

Í tilkynningu Eflingar kemur fram að ASÍ telji að ákvörðun um verkbann sé ógild, meðal annars sökum þess að stjórn SA sé óheimilt að taka ákvörðun um verkbann og vegna þess að ójafnt atkvæðavægi félagsmanna SA í kosningunni um verkbannið eigi sér ekki lagastoð.

Einnig segir að verkbannsboðun sé talin ólögleg að mati ASÍ vegna þess að allir félagsmenn SA voru á kjörskrá burtséð frá því hvort þeir starfi á félagssvæði Eflingar eða ekki.

Þá séu einnig tilteknir formgallar á verkfallsboðun SA taldir gera hana ólöglega.

Málið verður þingfest á mánudaginn.

Tengdar fréttir

Kjaraviðræður

Boða verkföll í fjórum skólum til viðbótar

• Börn hafi engan rétt á leikskólakennslu
• „Það er bara góð vinna í gangi“
• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ

» Fleiri tengdar fréttir

Kjaradeila Eflingar og SA

Segir Eflingu reyna að útrýma láglaunastörfum

• Miðlunartillagan samþykkt
• Kemur í ljós í dag hvort að tillagan verði samþykkt
• Niðurstaðan skýr um réttarstöðu SA
• Dómurinn hefur mikla þýðingu

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Verkalýðsforingjar draga nú upp stefnueyðublöð.