Ný miðlunartillaga myndi ógilda fyrri tillögu
Setja bókamerki
Ástráður Haraldsson, settur ríkissáttasemjari kjaradeilu Eflingar og Samtaka atvinnulífsins (SA), segir að ef ný miðlunartillöga verði lögð fram í deilunni þá myndi hún ógilda tillögu Aðalsteins Leifssonar sáttasemjara sem var lögð fram 26. janúar.
„Ef að það kemur fram ný tillaga, þá felur það í sér – í raun – að hin fyrri væri þá dregin til baka og ný sett fram í staðin. En það er ekkert komið að því,“ segir Ástráður í samtali við mbl.is.
Samtök atvinnulífsins, Alþýðusamband Íslands og íslenska ríkið eiga að skila inn greinargerðum á mánudag til Félagsdóms vegna málshöfðunar Ólafar Helgu Adolfsdóttur, ritara Eflingar, sem hefur krafist þess að félagsmenn fái að kjósa um miðlunartillögu Aðalsteins.
Ekki búið að boða til formlegs fundar
Verður tillaga lögð fram fyrir fyrirhugað verkbann?
„Ég veit ekki hvenær það getur orðið. Ég er að reyna eins og ég get að halda úti samtölum við aðilana og leita leiða til þess að leiða þá saman.“
Ekki er búið að boða nýjan formlegan fund með Eflingu og SA hjá ríkissáttasemjara.
„En fólk auðvitað talast við,“ segir Ástráður.
Gerirðu ráð fyrir formlegum fundi í vikunni?
„Ég bara veit það ekki.“
Pútín reynir allt til að forðast aðra herkvaðningu
„Höfum sloppið bærilega með skaða af þessu gosi“
Hópur fólks reyndi að komast að eldgosinu
/frimg/1/53/8/1530849.jpg)
Fatlaður drengur fær ekki þjónustu í verkfalli
Dómur þyngdur um þrjú ár
Þarf að koma til móts við ólíkar þarfir lækna