Fjöldi gripa drepist í eldsvoðanum
Eldurinn hefur þegar valdið umtalsverðu tjóni.
mbl.is/Sigurður Aðalsteinsson
Setja bókamerki
Brunavarnir á Austurlandi voru kallaðar út að Unaósi í Hjaltastaðaþinghá vegna eldsvoða fyrr í dag.
Ingvar Birkir Einarsson varaslökkviliðsstjóri staðfesti þá í samtali við mbl.is að eldur væri í útihúsum við bæinn.
mbl.is/Sigurður Aðalsteinsson
Tilkynnt klukkan eitt
Samkvæmt upplýsingum mbl.is hafa um 250 kindur og í kringum tíu geitur drepist í eldsvoðanum.
Fyrsta tilkynning um eldinn barst slökkviliði frá vegfaranda sem átti leið fram hjá rétt fyrir klukkan eitt eftir hádegi í dag.
mbl.is/Sigurður Aðalsteinsson
Munu vakta svæðið
Ingvar segir að slökkvilið hafi verið komið á staðinn kl. 13.40, eða um fjörutíu mínútum eftir að tilkynningin barst.
Búið er að slökkva eldinn og brunavarnir bíða eftir að geta hafið hreinsunarstarf. Brunavarnir munu vakta svæðið fram eftir degi að sögn Ingvars.
Unaós er ysti bærinn í Hjaltastaðaþinghá.
Kort/map.is
Skoða ráðstafanir vegna mikillar kuldaspár
Fuglager í Grindavík: „Þetta var bara pínu magnað“
Sex fluttir með þyrlunni og þar af eitt barn
KEF Spa: „Eitthvað sem þú hefur ekki séð áður“
Hellisheiði og Þrengsli ekki opnuð í dag
Var að slitna frá bryggju sökum hvassviðris