Til rannsóknar vegna frelsissviptingar í kjölfar dyraats

Karlmaður á sjötugsaldri er sakaður um að hafa setið fyrir hópi drengja, dregið einn þeirra inn á heimili sitt og læst hann inni eftir að hópurinn gerði hjá honum dyraat.

Málið er til rannsóknar hjá lögreglunni á Suðurnesjum að því er Rúv greinir frá.

Hélt drengnum inni í tíu mínútur

Maðurinn er sakaður um að hafa setið fyrir drengjunum eftir dyraatið, ráðist að þeim síðar um kvöldið, tekið einn drengjanna og læst hann inni. Í frétt Rúv segir að maðurinn hafi haldið drengnum föngnum í tæplega tíu mínútur og neitað að hleypa honum út, að sögn móður drengsins.

Foreldri eins drengjanna hafi þurft að brjóta rúðu á útidyrahurð mannsins til að komast inn og ná drengnum út af heimilinu.

Móðirin segir drenginn hafa hlotið líkamslega áverka við árásina og hún hafi gengið honum nærri andlega.

• Blogga um frétt