Nýr samningur FFR kynntur strax eftir helgi

Yfirvinnubann FFR var afboðað síðdegis í gær. Formaður félagsins, Unnar Örn Ólafsson segir smiðshöggið sem hafi vantað loksins komið. Samningur hafi nú verið undirritaður.

Frétt af mbl.is

Yfirvinnubann afboðað

Fyrr í vikunni lýsti Unnar því yfir að fundir hefðu verið gríðarleg vonbrigði. Það væri í raun ótrúlegt að félagsmenn væru ekki með undirritaðan samning. Hann segir nýtt tilboð hafa legið fyrir rétt fyrir klukkan 16.00 í gær þegar yfirvinnubann félaga hafi átt að hefjast. Nýr samningur hafi svo verið undirritaður stuttu síðar.

Frétt af mbl.is

Fundur FFR og Isavia „gífurleg vonbrigði“

„Það er bara strax eftir helgi sem við förum í að kynna hann vítt og breitt um landið og svo fer hann í atkvæðagreiðslu,“ segir Unnar. Létt sé yfir mönnum eftir undirritunina og gott að málið sé afgreitt.

Ekki var útséð hversu mikil áhrif yfirvinnubannið gæti haft á flugsamgöngur. Líklegt þótti að yfirvinnubann myndi hægja á umferð farþega og flugi um Keflavíkurflugvöll.

Félagar FFR eru til dæmis flu­gör­ygg­is­verðir, raf­einda­virkj­ar, smiðir, flug­fjar­skipta­menn, flugvallar­eft­ir­lits­menn, skrif­stofu­fólk, flug­korta­gerðar­menn, radíó­eft­ir­lits­menn og kerf­is­stjór­ar.

• Blogga um frétt