Kosning hafin hjá VR

Formanns- og stjórnarkjör í VR hófst klukkan 9 í morgun, en það mun standa yfir í rúmlega viku, eða til hádegis næsta miðvikudag. Tvö eru í framboði til formanns félagsins. Ragnar Þór Ingólfsson, núverandi formaður, býður sig fram til áframhaldandi setu, en Elva Hrönn Hjartardóttir hefur boðið sig fram á móti honum.

Ragnar Þór og Elva mættu í gær á framboðsfund sem haldinn var á Grand hóteli og kynntu þar framboð sitt og stefnumál fyrir félagsmönnum í stéttarfélaginu.

Auk formannskjörsins fer fram stjórnarkjör, en þar eru 16 í framboði til stjórnar, en alls verður kosið um sjö sæti og þrjú í varastjórn. Þau sem bjóða sig fram í stjórnina eru eftirfarandi:

• Árni Konráð Árnason
• Gabríel Benjamin
• Halla Gunnarsdóttir
• Helga Ingólfsdóttir
• Jennifer Schröder
• Jóhanna Gunnarsdóttir
• Kristjana Þorbjörg Jónsdóttir
• Nökkvi Harðarson
• Ólafur Reimar Gunnarsson
• Sigríður Hallgrímsdóttir
• Sigurður Sigfússon
• Svanhildur Ólöf Þórsteinsdóttir
• Vala Ólöf Kristinsdóttir
• Þorsteinn Þórólfsson
• Þórir Hilmarsson
• Ævar Þór Magnússon

• Blogga um frétt