Nonni hafi boðið Birgi fimm milljónir
Setja bókamerki
Málflutningi í stóra kókaínmálinu fyrir Héraðsdómi Reykjavíkur er nú lokið og búast má við dómsuppkvaðningu eftir fjórar vikur.
Ólafur Örn Svansson, verjandi Birgis Halldórssonar, var síðastur verjenda til þess að flytja málflutning skjólastæðing síns og krefst hann þess að Birgir verði sýknaður eða fái vægustu refsingu sem lög leyfa.
Ólafur sagði að Birgir hafi nýtti sér rétt sinn til að tjá sig ekki um ákveðna málaliði og ítrekaði að hann hafi fullan rétt til þess.
Líkt og verjandi Jóhannesar sagði í sínum málflutningi, sagði Ólafur að Birgir hafi verið milliliður. Hann hafi ekki verið skipuleggjandi, ekki haft ákvörðunarvald og ekki fjármagnaði sendinguna.
Hann sagði að Birgir hafi gengist við sínum hlut málsins en ekki keypt fíkniefnin, komið þeim fyrir timbrinu né skipulagt flutning þeirra til Íslands. Þá tók hann ekki við kókaíninu og ætlaði ekki að standa að sölu þess.
Hver er Nonni?
Ólafur sagðist harma að í gögnum málsins væru ekki öll samskipti Birgis við óþekktan aðila, eða svonefndan Nonna, þar sem að þau samskipti myndu sína glögglega að Birgir væri einungis milliliður. Hann sagði Birgi ekki hafa haft fulla yfirsýn yfir málið.
Ólafur nefndi að Birgir væri ekki höfuðpaur, og að ákæruvaldið og lögregla væri meðvituð um það. Nonni hafi staðið að einhverri skipulagningu sendingarinnar en ekki endilega verið aðalhöfuðpaurinn.
Hann sagði hlutverk Birgis einungis vera að lengja keðju málsaðila á milli Nonna og Jóhannesar. Ólafur sagði algengt að svo sé gert til að forðast handtöku allra aðila.
Birgir sagði í skýrslutöku fyrir dómi í janúar að Nonni hafi boðið honum fimm milljónir fyrir nokkurra daga vinnu.
„[Ég] hefði aldrei tekið þátt í þessu ef ég hefði vitað umfangið,“ sagði Birgir og bætti við að hann sæi eftir að hafa látið draga sinn inn í málið.
Vitnisburður Páls gríðarlega óstöðugur
Ólafur sagði að Birgir tengdist ekki málinu fyrr en í maí árið 2022. Það eina sem bendi til annars sé vitnisburður Páls, sem Ólafur sagði ótrúverðugan og gríðarlega óstöðugan.
Ólafur sagði að Páll hafi sakað Jóhannes og Birgi um brot Nonna, sem hann sé að hylma yfir.
Ásetningurinn ekki að flytja inn 100 kíló
Líkt og verjendur hinna sakborninganna, fordæmdi Ólafur haldlagningu hollensku lögreglunnar á fíkniefnunum.
Hann sagði ekki vera lögfullsönnun fyrir að því að um væri að ræða 100 kíló né að öll sendingin hafi verið kókaín.
Hollenska lögreglan tók einungis sýni af 10% af efnisins. Er hollenska lögreglan bar vitni fyrir dómi sagði hún að það væri regla samkvæmt evrópskum stöðlum.
Hann sagði ásetninginn aldrei hafa verið að flytja inn 100 kíló af kókaíni.
Ólafur spurði að lokum að ef höfuðpaurunum væru sleppt, væri þá hægt að færa hina aðilana upp keðjuna og þar af leiðandi gera Birgi að höfuðpaur. Þá ítrekaði hann að Birgir hafi einungis verið milliliður.
Mistókst að ræna hraðbanka
Éljagangur en síðan slydda eða rigning
„Við munum grípa inn í“
Æskuvinir sem fóru í víninnflutning frá Georgíu
Boða 100 milljóna hagnað á næsta ári
Rúta með yfir 20 farþegum fór út af vegi