Kvíðir sumrinu í Litlu jólabúðinni

„Ég myndi aldrei selja búðina ef ég væri 30 árum yngri, en nú seg­ir skrokk­ur­inn að nóg sé komið,“ seg­ir Anne Helen Lindsay, kaupmaður í Litlu jóla­búðinni við Lauga­veg.

Anne og maður henn­ar, Gunn­ar Haf­steins­son, hafa ákveðið að selja búðina eft­ir 22 ára rekst­ur. „Við erum orðin 76 ára göm­ul bæði og ætl­um að setj­ast í helg­an stein,“ seg­ir Anne sem hef­ur þreifað fyr­ir sér með sölu síðustu miss­eri en lítið gerðist á tím­um kór­ónu­veirunn­ar.

Litla jóla­búðin var aug­lýst til sölu í Morg­un­blaðinu í vik­unni og vakti aug­lýs­ing­in mikla at­hygli.