Lög­regla skor­ar á karl­mann, sem hleypti af skoti á Dubliner í kvöld, að gefa sig fram. Sjón­ar­vott­ar urðu var­ir við mik­inn viðbúnað við staðinn í kjöl­far skotárás­ar­inn­ar en eng­inn særðist al­var­lega. Mbl.is ræddi við Gunn­ar Rún­ars­son, eig­anda Gamla gauks­ins, sem kom á vett­vang eft­ir átök­in.

„Ég var þarna niður frá í kvöld. Ég tafðist á leiðinni, ann­ars hefði ég lík­lega verið þarna á sama tíma og þetta gerðist. Þegar ég kem að þessu var lög­regl­an mætt. Við heyr­um mis­mun­andi hluti frá fólki úti á götu. Sum­ir segja að ein­hverju hafi verið hent þangað inn. Við sáum ekki neitt og viss­um ekki neitt,“ seg­ir Gunn­ar Rún­ars­son, eig­andi Gamla gauks­ins. 

Frétt af mbl.is

Hleypti af skoti inni á Dubliner

Sögðu enga hættu vera á ferð

„Mikið lið lög­reglu og sér­sveit­ar­inn­ar var mætt. Ég spurði hvort hætta væri á ferðinni en lög­regl­an tjáði mér að allt væri búið. Um sjö, átta­leytið voru þeir að tín­ast í burtu.“ 

Lög­regl­an á höfuðborg­ar­svæðinu sendi frá sér til­kynn­ingu um klukk­an 22.30 í kvöld þar sem greint var frá því að karl­maður hafi hleypt af skoti inni á Dubliner við Naust­in í miðborg Reykja­vík­ur. Skotið hafnaði á vegg og flúði maður­inn vett­vang.

Skot­vopn fannst nærri skemmti­staðnum að sögn lög­reglu en hún skor­ar á mann­inn að gefa sig fram, eins og áður sagði.

Frétt­in hef­ur verið upp­færð.

Tengd­ar frétt­ir

Skoti hleypt af á skemmti­staðnum Dubliner

Lands­rétt­ur þyngdi dóm Fann­ars um tvö ár

• Fann­ar dæmd­ur í átta ára fang­elsi
• „Leit út fyr­ir að vera út­úr­dópaður“
• Notuðu þrívídd­arsk­anna vegna skotárás­ar
• „Þetta er sprengja, þetta er sprengja!“

» Fleiri tengd­ar frétt­ir

• Blogga um frétt