Hafna áfrýjunarbeiðni skotárásarmanns
Setja bókamerki
Hæstiréttur hafnaði í dag beiðni Árnmars Jóhannesar Guðmundssonar um að áfrýja dómi Landsréttar frá því í desember á síðasta ári. Árnmar hlaut átta ára fangelsi fyrir tvær tilraunir til manndráps, annars vegar með þeim ásetningi að bana fyrrverandi eiginmanni sambýliskonu sinnar og hins vegar að bana lögreglumanni sem svaraði útkalli á heimilinu.
Auk þess var Árnmar sakfelldur fyrir húsbrot, eignarspjöll og vopnalagabrot, hótun, brot gegn barnaverndarlögum, brot gegn valdstjórn og hættubrot og var gert að greiða sonum sambýliskonu sinnar tvær milljónir króna.
Lögfræðingur Árnmars, Þórður Már Jónsson, áfrýjaði dómnum til Landsréttar, sem staðfesti dóminn í desember á síðasta ári. Þá var beiðni um að áfrýja dómnum til Hæstaréttar send 6. febrúar í ár, en henni var hafnað í dag.
Sagði framburð lögreglu ekki bera saman
Þórður hefur reynt að fá sakirnar gegn Árnmari um tilraun til manndrápa felldar niður, en hann hefur gagnrýnt að framburð lögreglumannanna beri ekki saman. Þórður sagði það hafa komið skýrt fram í rannsókn að lögreglumenn hefðu hleypti af vopnum sínum á sömu sekúndu og Árnmar, en að lögreglan hefði skotið ellefu sinnum en Árnmar þrisvar.
Árnmar sagðist ekki hafa ætlað að ráða fyrrverandi eiginmanni sambýliskonu sinnar bana heldur að hræða hann. Maðurinn hefði ekki verið á staðnum þegar Árnmar kom á vettvang og því er vafasamt samkvæmt Þórði að dæma hann fyrir tilraun til manndráps á manni sem ekki var á staðnum.
Í ákvörðun Hæstaréttar í dag segir að Landsréttur hafi „sannað að leyfisbeiðandi hefði tekið ákvörðun um að ráða fyrrgreindum einstaklingi bana umrætt sinn og sýnt þann ásetning ótvírætt í verki svo að refsingu varðaði“.
/frimg/1/52/69/1526902.jpg)
Hvassviðri eða stormur seinnipartinn
Hvað verður um sakamálin ef Trump vinnur? Eða tapar?
/frimg/1/52/67/1526758.jpg)
„Það er engin ákveðin hreyfing í deilunni“
1,7 milljarða króna rekstrarafgangur
„Allir tilbúnir að hjálpa“
Þungbært að missa félaga
Tíu börn á spítala, þar af tvö á gjörgæslu