Ráðherra boðar tíðindi með vorinu

Viðræður standa nú yfir milli forsvarsmanna Listdansskóla Íslands og mennta- og barnamálaráðuneytisins um framtíð skólans. Búast forsvarsmenn skólans við því að næsti fundur með ráðuneytinu verði síðar í þessum mánuði.

Frétt af mbl.is

Öllum sagt upp og framtíðin er óljós

Eins og kom fram í Morgunblaðinu í síðustu viku er óvissa um fjármögnun skólans og öllu starfsfólki hans var sagt upp störfum um síðustu mánaðamót.

Ásmundur Einar Daðason, mennta- og barnamálaráðherra, hefur ekki gefið kost á viðtali vegna málsins. Ráðuneyti hans sendi Morgunblaðinu skriflegt svar í gær þar sem fram kemur að rík áhersla sé lögð á öflugt starfsnám um allt land og nú fari fram vinna sem miði að því að efla það. „Þar er listnám á framhaldsskólastigi einnig undir. Munu niðurstöður þeirrar vinnu verða kynntar um leið og þær liggja fyrir en gert er ráð fyrir að það verði á vordögum,“ segir í svari ráðuneytisins.