Þriggja bíla árekstur í Fagradal

Þriggja bíla árekstur varð  í Fagradal á Austurlandi fyrr í dag. Að sögn lögreglunnar á Austurlandi eru allir sem lentu í slysinu heilir á húfi en tveir voru þó fluttir til vonar og vara í sjúkrabíl til aðhlynningar. 

Að sögn lögreglunnar hafði ökumaður sem var að keyra í átt að Reyðarfirði reynt að taka fram úr snjóplóg á veginum og ekki séð bílinn sem nálgaðist á móti. Þá skullu bílarnir tveir saman og annar bíll beygði út af veginum.

Erfið færð var á veginum og keyrðu bílarnir afar hægt, sem gæti hafa leitt til þess að enginn slasaðist alvarlega, segir lögreglan. Alls voru sex manns í bílunum þremur. Búið er að fjarlæga bílana af vettvangi.

Einn bílanna beygði út af veginum. mbl.is/Þorgeir Baldursson

Greint var frá því í gær að björgunarsveit þurfti að sækja fjölda fólks úr bílum á Fagradal, þar sem veður var afar slæmt og skyggni lítið á köflum. 

Frétt af mbl.is

Fjöldi fólks í vanda á Austurlandi

Þriggja bíla árekstur varð í Fagradal á Austurlandi fyrr í dag. mbl.is/Þorgeir Baldursson

• Blogga um frétt