Yfirheyrslur yfir manninum standa yfir
Setja bókamerki
Yfirheyrslur yfir manninum, sem liggur undir grun vegna skotsins sem hleypt var af á Dubliner á sunnudagskvöld, standa nú yfir. Tekin verður afstaða til gæsluvarðhalds þegar líður á daginn.
Þetta staðfestir Grímur Grímsson yfirlögregluþjónn í skriflegu svari við fyrirspurn mbl.is.
Hann segir manninn sem liggur undir grun vera um þrítugt en kýs að tjá sig ekki um hvort hann hafi komið áður við sögu hjá lögreglu.
Hvað varðar byssukúluna sem hafnaði í vegg inni á staðnum og byssuna sem fannst nærri vettvangi segist Grímur hvorki vilja tjá sig um hvort byssan tengist árásinni né af hvaða gerð kúlan er. Hann staðfestir þó að byssan sem fannst sé ekki þvívíddarprentuð.
Spurður segir hann rannsóknina ganga vel en næstu skref séu yfirheyrslur og yfirferð gagna.
Skotið hafnaði í vegg við barinn og hlutu tveir aðhlynningu í kjölfarið. Annar þeirra hafði áhyggjur af heyrn sinni eftir atvikið og hinn var með skrámu á höfði. Síðar kom í ljós að skráman tengdist ekki skotinu.
Þá var hinn grunaði handtekinn í gær.
Það er ekkert partí án spurninga!
Innanlandsflug liggur niðri
Lítil snjóflóð fallið og vegum lokað á Vestfjörðum
Auðlindagjaldið hljómar vel
Fjallvegir á Vestfjörðum og víða um land á óvissustigi
Fyrsti ríkisstjórnarfundurinn hafinn
Gular viðvaranir í dag og á morgun
Telur sér ekki heimilt að úthluta Helga verkefni