Byssumaðurinn í fjögurra vikna gæsluvarðhald
Setja bókamerki
Maðurinn sem er grunaður um að hafa hleypt af skoti á skemmtistaðnum Dubliner í síðustu viku hefur nú verið úrskurðaður í fjögurra vikna áframhaldandi gæsluvarðhald sem mun gilda til og með 18. apríl. Maðurinn hafði nú þegar setið viku í gæsluvarðhaldi síðan hann var handtekinn 14. mars.
Grímur Grímsson yfirlögregluþjónn greinir frá þessu í samtali við mbl.is en hann leiðir jafnframt rannsókn málsins.
Almannahagsmunir að veði
Grímur staðfestir þar að auki að gæsluvarðahaldið hafi verið framlengt vegna almannahagsmuna en ekki á grundvelli rannsóknarhagsmuna eins og gert var í síðustu viku þegar að gæsluvarðhaldið var framlengt frá 17. mars til dagsins í dag.
„Það er þannig með svona mál að við miðum við þessa grein í lögum og gerum kröfu um gæsluvarðhald á grundvelli almennahagsmuna,“ segir Grímur spurður hvort það stafi ógn frá manninum gagnvart almenningi.
Að sögn Gríms miðar rannsóknin vel áfram en að yfirheyrslur standi enn yfir.
Hvetja fólk til að huga að niðurföllum
Gular viðvaranir í dag og á morgun
„Átti von á fleiri útköllum“
Auðlindagjaldið hljómar vel
Fyrsti ríkisstjórnarfundurinn hafinn
„Hagræðingarmál eru í fyrsta sæti“
Telur sér ekki heimilt að úthluta Helga verkefni
Hækkun skilaði sér til bænda