Vilja hafa byssumann áfram í haldi
Iðunn Andrésdóttir
Setja bókamerki
Lögreglan á höfuðborgarsvæðinu gerir kröfu um gæsluvarðhald verði framlengt yfir manni sem er grunaður um að hafa hleypt af skoti inni á Dubliners í miðborg Reykjavíkur 12. mars á grundvelli almannahagsmuna, en gæsluvarðhald yfir honum rennur út í dag.
Að sögn Gríms Grímssonar yfirlögregluþjóns í miðlægri rannsóknardeild verður gerð krafa um að gæsluvarðhaldi yfir manninum verði framlengt um fjórar vikur.
Síðast var gæsluvarðhaldi yfir hinum grunaða framlengt fyrir helgi, eða 17. mars síðastliðinn, til 22. mars en þá var gerð krafa um framlengingu á grundvelli rannsóknarhagsmuna.
Aðspurður hvort rannsókn hafi leitt til ástæðu til að halda að almannahagsmunir séu verndaðir með því að halda manninum í áframhaldandi gæsluvarðhaldi svarar Grímur játandi.
Hann segir rannsókninni miða vel áfram en að yfirheyrslur standi enn yfir.
Grímur kveðst ekki geta tjáð sig um skotvopnið sem fannst nálægt skemmtistaðnum og að ekki sé enn staðfest hvort um sé að ræða skotvopnið sem var notað í árásinni, þótt gert sé ráð fyrir að svo sé. Hann vildi ekki tjá sig um hvers slags skotvopn var að ræða.
Létu lofthræðsluna ekki á sig fá
Íslensk kona handtekin á Tenerife eftir líkamsárás
Dæla, kæla og verja mikilvæg mannvirki
Ekki hægt að slá gosið út af borðinu strax
Sendi nektarmyndir af dreng sem hann passaði
Fæðuöryggi: „Áttum mat í þrjár vikur“
Hvatti kjósendur til þess að greiða ógild atkvæði