Héraðsdóm­ur Reykja­vík­ur hef­ur ómerkt um­mæli Páls Vil­hjálms­son­ar um að Þórður Snær Júlí­us­son, ann­ar rit­stjóri Heim­ild­ar­inn­ar og Arn­ar Þór Ing­ólfs­son, blaðamaður sama miðils, hafi átt beina eða óbeina aðild að byrlun Páls skip­stjóra Stein­gríms­son­ar og stuldi á síma hans“ í tengsl­um við um­fjöll­un um „skæru­liðadeild“ Sam­herja.

Þá þarf Páll að greiða þeim 300 þúsund krón­ur í miska­bæt­ur auk þess að greiða hverj­um fyr­ir sig 750 þúsund krón­ur í máls­kostnað. Páll var kærður fyr­ir ærumeiðandi aðdrótt­an­ir.

Þórður Snær er fyrr­ver­andi rit­stjóri Kjarn­ans og starf­andi rit­stjóri Heim­ild­ar­inn­ar. Sagði hann fyr­ir aðalmeðferð að hann hefði ákveðið að höfða málið gegn Páli Vil­hjálms­syni blogg­ara sök­um þess að hann hafi í lengri tíma sett fram alls kyns staðhæf­ing­ar um Þórð og koll­ega hans sem ekki byggi á raun­veru­leika.

Þórður seg­ir að um sé að ræða tugi staðhæf­inga og sam­sær­is­kenn­inga sem Páll hafi sett fram um hans störf. Hins veg­ar hafi hann ákveðið að nóg væri komið þegar hann var ásakaður í pistli Páls um að hafa framið hegn­ing­ar­laga­brot þegar hann átti að hafa stolið síma Páls Stein­gríms­son­ar skip­stjóra og byrlað hon­um. 

Arn­ar Þór Ing­ólfs­son, sagði við aðalmeðferð að hann hafi verið hissa að lesa um­mæli Páls um að hann hefði byrlað manni og stolið síma hans. 

Frétt af mbl.is

„Brugðið“ við ásak­an­ir Páls

Frétt af mbl.is

Seg­ir vegið að orðspori sínu

Tengd­ar frétt­ir

Byrlun­ar­málið

Eft­ir­lit með fjöl­miðlum heyri ekki und­ir nefnd­ina

• Vildi flytja mál Páls á milli embætta
• Kall­ar eft­ir rann­sókn en tal­ar ekki í umboði kon­unn­ar
• Byrlun­ar­mál­inu alls ekki lokið
• Vissi ekk­ert hvað hún var að gera

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Hall­mund­ur Krist­ins­son: Ómerk­ing?