Tvö snjóflóð féllu á Neskaupstað í Norðfirði í morgun, annars vegar innan við byggðina og hins vegar ofan við byggð.

Frétt af mbl.is

Snjóflóð féll á íbúðarhús í Neskaupstað

Jón Björn Hákonarson bæjarstjóri Fjarðabyggðar segir fólk nú þegar hafa verið flutt úr húsunum sem flóðið komst að.

Jón Björn var staddur í húsi björgunarsveitarinnar á staðnum, þar sem hann ásamt aðgerðarstjórn stóð við undirbúning á að rýma reiti bæjarins er blaðamaður mbl.is náði í hann.

Jón Björn Hákonarson, bæjarstjóri Fjarðabyggðar. Ljósmynd/Aðsend

Hann segir ekki vera útlit fyrir að fólk hafi slasast í flóðunum, þó svo að eftir eigi að ganga úr skugga um það að fullu.

Áform eru um að rýma efri byggð bæjarins Mýrahverfinu næst að sögn Jóns, en hann segir fjöldahjálparstöð hafa verið opnaða í félagsheimilinu Egilsbúð í bænum.

Frétt af mbl.is

Íbúar á Austurlandi hvattir til að halda sig heima við

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt