Ein þyrla og ein áhöfn til taks hjá Gæslunni

Aðeins ein þyrla hefur verið til taks hjá Landhelgisgæslunni undanfarna daga sökum þess að tvær af þremur þyrlum hafa verið í viðhaldi. Sömuleiðis hefur einungis ein áhöfn verið til taks undanfarið í stað tveggja eins og miðað er við.

Ásgeir Erlendsson, upplýsingafulltrúi Landhelgisgæslunnar, segir að þessi staða komi upp varðandi þyrlurnar einhverja daga á ári hverju.

Tvær þyrlur 80% ársins

„Með þriggja þyrlu kerfið þá er hugsunin að stærstan hluta ársins getum við verið með tvær tilbúnar þyrlur. Það koma vissulega dagar þar sem tvær eru í viðhaldi og ein í notkun og undanfarna daga hefur það verið þannig,“ greinir Ásgeir frá.

Hann bendir á að tvær þyrlur hafi verið til taks um 80% síðasta árs. „Við kappkostum við að hafa sem flestar til taks flesta daga ársins.“

Ásgeir Erlendsson.

Frá Egilsstöðum að Fagrafelli

Í nótt var þyrlan TF-EIR kölluð austur frá Egilsstöðum suður að Fagrafelli vegna tveggja göngumanna sem voru vandræðum.

Frétt af mbl.is

Þyrlan kölluð út vegna tveggja göngumanna

Ásgeir segir að ákveðið hafi verið að hafa þyrluna til taks á Egilsstöðum vegna snjóflóðahættu á Austfjörðum. Þar gisti áhöfnin í nótt en fór í útkallið á Fagrafell klukkan fjögur í nótt. Þaðan voru göngumennirnir fluttir á Landspítalann og í ljósi stöðunnar fyrir austan var ákveðið að þyrlan myndi vera í viðbragðsstöðu í Reykjavík.

Frétt af mbl.is

Vænlegur kostur sem þó kostar

Þjálfun í flughermum

Hvað áhafnirnar á þyrlunum varðar segir Ásgeir að 65% ársins sé Gæslan með tvær áhafnir til taks hverju sinni, en þær eru sex í heildina. Vegna þjálfunar í flughermum hafi aftur á móti aðeins ein verið til taks undanfarna daga.

Hann bendir þó á að þegar neyðartilvik komi upp hafi menn verið tilbúnir til að stökkva til úr sínum fríum og á vaktina.

„Við kappkostum við að vera stærstan hluta ársins með tvær þyrlur og tvær áhafnir til taks,“ segir hann.

• Blogga um frétt