Varðskipið Þór er komið í Neskaupstað en áhöfnin batt landfestar laust fyrir miðnætti. Þetta staðfestir Ásgeir Erlendsson, upplýsingafulltrúi Landhelgisgæslunnar.

Um borð í varðskipinu eru viðbragðsaðilar og vistir en landleiðin til Neskaupstaðar er ófær vegna fannfergis.

Gert er ráð fyrir að 20 manns gisti í varðskip­inu í nótt.

Frétt af mbl.is

Hundar og menn í startholunum

Víða ófært

Snjóflóð féllu í Neskaupstað og á Seyðisfirði fyrr í dag. Talsvert eignatjón varð og slasaðist fólk þegar að eitt flóð féll í byggð og á fjölbýlishús.

Stór hópur björgunarsveitarmanna hefur setið fastur á Egilsstöðum í dag að bíða þess að komast áfram en ófært er víða á Austurlandi vegna fannfergis.

Frétt af mbl.is

Barnshafandi kona flutt með þyrlu frá Neskaupstað

Í kvöld var loks hægt að ferja björgunarsveitarfólk yfir til Seyðisfjarðar þar sem varðskipið var komið til að ferja það áfram á Eskifjörð og í Neskaupstað. 

Þá var barnshafandi kona flutt með þyrlu Landhelgisgæslunnar fyrr í kvöld frá Neskaupstað til Egilsstaða.

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt