Ekki er þörf á frekari rýmingum á Austfjörðum í bili. Þetta er niðurstaða fundar aðgerðastjórnar lögreglu á Austurlandi með Veðurstofu vegna mikillar úrkomu á Austfjörðum næsta eina og hálfa sólarhringinn eða svo. 

Í tilkynningu frá aðgerðastjórn er rakið að gert er ráð fyrir umtalsverðri úrkomu í kvöld og fram til föstudagsmorguns. Byrjar á sunnanverðum fjörðunum. Snjókomu er spáð og rigningu.

„Það er mat Veðurstofu að ekki sé þörf á frekari rýmingum að svo stöddu. Vegna mögulegra krapaflóða eru íbúar þó beðnir um að hafa varann á nærri árfarvegum.

Íbúar beðnir um að fylgjast vel með tilkynningum frá lögreglu á vefmiðlum,“ segir í tilkynningunni.

Tengdar fréttir

Snjóflóð á Austfjörðum

„Það er mikill samhugur og hefur alltaf verið“

• Rýna í rýmingar á morgun
• Þrjú snjóflóð og tvö þeirra yfir veg
• Íbúar komnir heim á ný
• Rýmingu aflétt á Seyðisfirði

» Fleiri tengdar fréttir

• Blogga um frétt