Ríkið mun aðeins geta boðið sambærilegar launahækkanir og sett voru fordæmi fyrir í skammtímasamningum á almenna markaðinum bæði fyrir og eftir áramótin. Ekki kemur til greina að hækka laun umfram það. Þetta segir Bjarni Benediktsson fjármálaráðherra í samtali við mbl.is.

Bjarni kynnti í gær fjármálaáætlun ríkisstjórnarinnar fyrir árin 2024-2028. Var þar meðal annars lögð áhersla á aðhaldsaðgerðir til að tempra verðbólguna. Eitt af stóru atriðunum sem koma alltaf upp þegar rætt er um verðbólgu er samspil launaþróunar og verðlags. Eins og fyrr segir er almenni markaðurinn búinn að semja, en um var að ræða skammtímasamninga þar sem í grunninn var sammið um hækkun upp á 6,75%.

Samningar ríkisstarfsmanna losna núna í vor og fram á haust. Spurður hvað sé svigrúmið þar segir Bjarni það ekkert umfram almenna markaðinn. „Bara það sem er markað af almenna markaðinum. Við getum ekki hækkað laun umfram það, það gengur einfaldlega ekki upp. Það væri forsendubrestur.“

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

Fjármálaáætlun 2023

Aðhald og skattahækkanir

• Samhæfingarmiðstöðin og fleiri verkefni frestast
• „Það er verið að setja almannaþjónustuna í spennitreyju“
• Tími til að verjast frekar en að sækja fram
• Lögðu ríkissjóð undir og kalla nú á atvinnulífið

» Fleiri tengdar fréttir

• Blogga um frétt