Þróttarar fá langþráð gervigras

Framkvæmdir eru hafnar við aðalvöll Þróttar í Laugardal. Búið er að fjarlægja gamla gervigrasið og nýtt og fullkomið gervigras verður lagt á völlinn. Þetta er sögufrægur knattspyrnuvöllur því fyrsta gervigrasið hérlendis var lagt á hann árið 1984, eða fyrir tæpum fjórum áratugum.

Umhverfis- og skipulagssvið Reykjavíkurborgar auglýsti útboð á verkinu „Þróttur – Keppnisvöllur. Jarðvinna og hitakerfi“ og voru tilboð opnuð 10. janúar. Fimm verktakar buðust til að vinna verkið og átti Krafla ehf. lægsta tilboðið, 237,7 milljónir króna. Það var 87,% af kostnaðaráætlun, sem var 271,5 milljónir. Tilboð Kröflu var samþykkt og hófu starfsmenn fyrirtækisins vinnu við völlinn fyrir nokkru.

Samkvæmt upplýsingum Maríu Edwardsdóttur, framkvæmdastjóra Þróttar, er reiknað með að framkvæmdum við völlinn ljúki í júlí. mbl.is/sisi

Hinn 28. mars sl. voru svo opnuð tilboð í verkið „Þróttur aðalvöllur— Endurnýjun gervigrass.“ Fimm tilboð bárust frá tveimur framleiðendum/umboðsmönnum gervigrass. Voru þau á bilinu 92,2-98,7 milljónir. Kostnaðaráætlun var 98,7 milljónir. Nú er verið að fara yfir tilboðin. Í útboðslýsingu kom fram að í verkinu felist að útvega og ganga að fullu frá á nýju gervigrasi á endurnýjaðan aðalvöll Þróttar í Laugardal Reykjavík, ásamt nýjum staðsteyptum (in-situ) fjaðurlagspúða. Gervigrasið á að vera af bestu fáanlegu gæðum og uppfylla staðal Alþjóðaknattspyrnusambandsins FIFA fyrir FIFA Quality Pro.

Samkvæmt upplýsingum Maríu Edwardsdóttur, framkvæmdastjóra Þróttar, er reiknað með að framkvæmdum við völlinn ljúki í júlí. Meistaraflokkarnir félagsins spila á meðan á Þróttheimasvæðinu (áður Valbjarnarvelli).

Nán­ari um­fjöll­un er að finna í Morg­un­blaðinu í dag.