Lenda þurfti flug­vél Play á Ak­ur­eyri rétt í þessu, en hún var að koma frá Par­ís og átti að lenda klukk­an 14.05 í dag á Kefla­vík­ur­flug­velli.

Var þetta gert vegna veðurs en að sögn farþega í vél­inni var tvisvar sinn­um reynt að lenda henni í Kefla­vík áður en ákveðið var að fara norður til Ak­ur­eyr­ar.

Frétt af mbl.is

Gul viðvörun á suðvesturhorninu á morgun

Fimm vélar bíða að lægi

Þá eru fimm vélar Play á Keflavíkurflugvelli þar sem ekki er hægt að hleypa farþegum úr vélunum, vegna veðursins.

Sú sem er búin að vera lengst kom frá Liverpool í Englandi og var lent klukkan 13.37.

Í upplýsingum frá Isavia segir að ástæðan fyrir því að fimm vélum var lent í Keflavík og einni snúið til Akureyrar sé vegna þess að ákvörðunin sé á ábyrgð flugstjóra hverrar vélar.

Öðru komuflugi til Keflavíkur hefur verið seinkað. 

Gul­ar veðurviðvar­an­ir eru í gildi á Suðvest­ur­horn­inu og verða til klukk­an 19 í kvöld. 

Uppfært klukkan 15.52:

Farþegar vélarinnar sem lenti á Akureyri eru enn inni í vélinni en ekki er útlit fyrir að þeim verði hleypt þar út.

Þess í stað verður beðið eftir því að veðrið skáni í Keflavík og er áætlað að vélin muni leggja aftur af stað frá Akureyri klukkan 16.15-16.30.

Flugvél Play á Akureyraflugvelli í dag. mbl.is/Þorgeir Baldursson

Tengdar fréttir

Óveður föstudaginn langa

Til greina kom að fresta fluginu

• Virðast ekki hafa skoðað veðurspána
• Mannhaf í Leifsstöð þegar farþegar komust inn
• Rafmagn komið á í Höfnum
• Tvö þúsund farþegar sátu fastir

» Fleiri tengdar fréttir

• Blogga um frétt