Sitjandi sveltur en fljúgandi fær

Mannfólkið fær ekki oft að vera í miklu návígi við fálka þótt vissulega geymi Íslandssagan veiði og þjófnað á þessum virðulega fugli í gegnum aldirnar.

Frétt af mbl.is

Fálkinn Ljúfa heldur áfram í sjúkraþjálfun

Dýralæknirinn Elísabet Hrönn Fjóludóttir hefur í vetur verið með íslenskan fálka í sjúkraþjálfun í Fjölskyldu- og húsdýragarðinum ásamt Guðrúnu Pálínu Jónsdóttur og fleira starfsfólki garðsins.

Fálkinn fannst illa á sig kominn í Breiðafirði síðsumars í fyrra en greint var frá þjálfun hans hér í blaðinu fyrir áramót. mbl.is/Kristinn Magnússon

Fálkinn fannst illa á sig kominn í Breiðafirði síðsumars í fyrra en greint var frá þjálfun hans hér í blaðinu fyrir áramót. Elísabet segir það forréttindi að vera í slíkri nálægð við rándýr eins og fálkann sem á miðöldum var kallaður konungur fugla.

Þegar fálkinn fannst var fálkatemjarinn Terézia Teriko Hegerova frá Slóvakíu í starfsþjálfun hjá Náttúrufræðistofnun Íslands. Hún vann með fuglinum til að byrja með og úr varð eins konar námskeið fyrir Íslendinga í leiðinni.

Fálkinn Ljúfa. mbl.is/Kristinn Magnússon

„Við höfum unnið eftir leiðbeiningum frá frá Teréziu sem hefur ungengist fálka í Slóvakíu nánast frá blautu barnsbeini. Þegar fálkinn kom til okkar var hún grindhoruð og vó um 1.100 grömm en venjulegur kvenfugl í náttúrunni ætti að vera um 1.700 grömm. Hún hafði því misst mjög mikinn massa. Í framhaldinu gerðist það að Teréziu tókst að öðlast traust fálkans en það tók þrjár vikur án þess að þvinga fuglinn í neitt,“ segir Elísabet, sem sjálf var áður héraðsdýralæknir á Vesturlandi og vann síðar á Keldum en hóf störf í Húsdýragarðinum 1. september. „Ljúfa var fyrsta verkefnið mitt og við höfum nánast verið jafn lengi í garðinum.“

Nán­ari um­fjöll­un er að finna í Morg­un­blaðinu í gær. 

Ljúfa flýgur á milli stólpa. Kristinn Magnússon