Borgin uppfyllir ekki lágmarksviðmið EFS
Setja bókamerki
Reykjavíkurborg er eitt þeirra sveitarfélaga sem eftirlitsnefnd með fjármálum sveitarfélaga (EFS) segir ekki uppfylla öll lágmarksviðmið fyrir A-hluta rekstrar.
Nefndin sendi nýverið bréf með athugasemdum til 21 sveitarfélags vegna fjárhagsáætlunar fyrir árið 2023.
Bréfið fór strax í gegnsætt ferli
Með A-hluta rekstrar er átt við aðalsjóð sveitarfélags, sjóði og stofnanir sem að öllu leyti eru rekin fyrir skattfé sveitarfélagsins.
Þórdís Lóa Þórhallsdóttir, forseti borgarstjórnar, tók við bréfinu fyrir hönd Reykjavíkurborgar.
„Bréfið barst okkur frá eftirlitsnefndinni eins og mörgum sveitarfélögum í febrúar og það fór strax í mjög gegnsætt ferli,“ segir hún í samtali við mbl.is.
Bréf EFS til Reykjavíkurborgar vegna fjárhagsáætlunar ársins 2023:
Hún segist hafa sent öllum borgarfulltrúum bréfið til kynningar og svo sent það strax í vinnslu hjá fjármálasviði borgarinnar.
„Það kemur svo til baka [frá fjármálasviði] inn í borgarráð og inn í borgarstjórn. Þannig að það mun ekki fara fram hjá neinum,“ segir Þórdís Lóa.
Þurfa að uppfylla skilyrðin árið 2026
Hlutfall nettóskulda borgarinnar af tekjum eru samkvæmt fjárhagsáætlun fyrir árið 2023 92,9%. Miðað við þær forsendur þyrfti rekstrarniðurstaða samkvæmt fjárhagsáætlun fyrir árið að vera jákvæð en hún er neikvæð um 3,7%. Þá er framlegð samkvæmt fjárhagsáætlun ársins 5,8% undir lágmarksviðmiðum EFS og veltufé frá rekstri 2,2% undir lágmarksviðmiðum.
Sveitarstjórnum er heimilt að víkja frá skilyrðum um jafnvægis- og skuldareglu út árið 2025, samkvæmt bráðabirgðaákvæði í sveitastjórnarlögum. Eftirlitsnefndin leggur engu að síður þá skyldu á borgina, sem og önnur sveitarfélög, að árið 2026 þurfi að uppfylla skilyrðin.
„Er ekki svefnsamt meðan ástandið er svona“
Björguðu manni undan Gróttu
Lokahnykkur á brotnum hafís í 36 tíma
„Í pytti sem við vorum búin að sjá fyrir“
/frimg/1/50/23/1502370.jpg)
Yfir 17 gráður fyrir klukkan sjö í morgun
Eldgos í sumar sennilega það síðasta
Blöðin teygja sig 200 metra upp í loft
Fresta lokun endurvinnslustöðvar um ár