Borgin klárað lánalínu Landsbankans
Andrea Sigurðardóttir Iðunn Andrésdóttir
Setja bókamerki
Reykjavíkurborg hefur á hálfu ári nýtt sér níu milljarða af tólf mögulegum í lánalínum tveggja banka. Borgin fékk sex milljarða króna lánalínu frá Landsbankanum í október sl. og sú heimild var fullnýtt fyrir áramót. Þá hefur borgin dregið þrjá milljarða af sex í lánalínu frá Íslandsbanka á þessu ári.
Sem kunnugt er féll borgin frá skuldabréfaútgáfu sem fara átti fram í gær, og hefur þá tvo mánuði í röð fallið frá útgáfu.
Eftirlitsnefnd með fjármálum sveitarfélaga (EFS) sendi Reykjavíkurborg bréf í lok febrúar sl. þar sem athugasemdir eru gerðar við að borgin uppfylli ekki öll lágmarksviðmið fyrir A-hluta rekstrar.
Mat fjármála- og áhættustýringarsviðs borgarinnar var að ekki þyrfti að upplýsa markaðinn um bréfið, þrátt fyrir að borgin væri með skráð skuldabréf á markaði sem háð eru verðmótandi upplýsingum.
Dagur B. Eggertsson borgarstjóri segir í samtali við Morgunblaðið í dag að um „rútínubréf“ sé að ræða og því verði svarað.
Reykjavíkurborg er þó ekki eina sveitarfélagið sem glímir við fjárhagsörðugleika. Haldinn var íbúafundur á Selfossi í gær þar sem fjallað var um aðgerðir til að bæta skuldavanda sveitarfélagsins.
Heildarskuldir Árborgar eru í dag 27 milljarðar króna. Skuldahlutfall sveitarfélagsins er um 160% af tekjum. Árborg uppfyllir því ekki skuldaviðmið samkvæmt lögum, sem kveða á um að það hlutfall skuli ekki vera hærra en 150%. Uppsagnir voru boðaðar og sala eigna.
Nánari umfjöllun er að finna í Morgunblaðinu í dag.
Dómur þyngdur um þrjú ár
„Höfum sloppið bærilega með skaða af þessu gosi“
Drónamyndskeið frá hápunkti gossins í nótt
Nýtt fangelsi í landi Stóra-Hrauns tilbúið 2028
Reiðubúin að aflýsa verkföllum í fjórum leikskólum
Hópur fólks reyndi að komast að eldgosinu
Viðræður ekkert þokast frá því á þriðjudag