Félag íslenskra hjúkrunarfræðinga (Fíh) skrifaði undir nýjan kjarasamning við ríkið fyrir hádegi í gær.

Í tilkynningu á vef félagsins segir að um sé að ræða skammtímasamning til tólf mánaða sem gildir frá 1. apríl 2023 til 31. mars 2024.

„Samningurinn er í takt við þær áherslur sem Fíh lagði upp með við upphaf viðræðna og tryggir launahækkanir og kjarabætur fyrir hjúkrunarfræðinga sem starfa hjá ríkinu,“ segir í tilkynningunni. 

Þá segir að samningurinn feli í sér ákveðnar breytingar á vaktaálagi og vaktahvata auk verkáætlunar um þau atriði sem verða tekin til sérstakrar skoðunar á samningstímanum svo sem vinnutíma í dagvinnu og vaktavinnu, endurskoðun veikindakafla og fleira.

Samningurinn verður nú kynntur og hefst atkvæðagreiðsla um hann á hádegi á laugardag og lýkur á hádegi mánudaginn 24. apríl. 

Tengdar fréttir

Kjaraviðræður

Höfða mál gegn Kennarasambandinu

• „Pólitískur hráskinnaleikur“ kom í veg fyrir samning
• Skoða verkfallsbrot í Snæfellsbæ
• „Skömm að því“
• Greiða atkvæði um ótímabundin verkföll í dag

» Fleiri tengdar fréttir

• Blogga um frétt