Telja eldinn hafa kviknað út frá raftæki

Grunur leikur á um að eldurinn sem varð í húsnæði á Funahöfða í byrjun mánaðarins hafi kviknað út frá raftæki sem var inni í einu herbergjanna.

Frétt af mbl.is

Eldsupptök á Funahöfða óljós

Rannsóknardeild lögreglunnar á höfuðborgarsvæðinu bíður eftir frekari niðurstöðum frá tæknideild lögreglunnar.

Birg­ir Finns­son, starf­andi slökkviliðsstjóri á höfuðborg­ar­svæðinu, sagði í samtali við mbl.is skömmu eftir eldsvoðann að ekki hefði legið fyr­ir leyfi til bú­setu í húsnæðinu. Þrátt fyrir það voru herbergi þar leigð út. 

Frétt af mbl.is

Ekki leyfi fyrir búsetu

Spurður hvort eigendurnir séu með stöðu sakborninga segir Valgarður Valgarðsson, aðalvarðstjóri hjá lögreglunni á höfuðborgarsvæðinu, málið ekki komið það stig. Ekki hafi verið teknar skýrslur af eigendunum og beðið sé eftir frekari niðurstöðum frá tæknideild lögreglunnar.

Töluvert tjón varð á herberginu þar sem eldurinn kom upp, auk þess sem reykskemmdir urðu annars staðar.

Frétt af mbl.is

Enginn bættari ef fólk yrði sent út á götu

• Blogga um frétt