Hvetur Gylfa til að sækja rétt sinn

Jón Steinar Gunnlaugsson, fyrrverandi hæstaréttardómari, hvetur knattspyrnumanninn Gylfa Þór Sigurðsson til að sækja rétt sinn fyrir dómi.

Greint var frá því í dag að Gylfi yrði ekki ákærður fyr­ir brot gegn ólögráða ein­stak­lingi og væri því laus allra mála, en hann var hand­tek­inn í júlí árið 2021 vegna gruns um að hafa brotið gegn ólögráða ein­stak­lingi.

Frétt af mbl.is

Gylfi Þór verður ekki ákærður

Eftir handtökuna var Gylfa gert að sæta far­banni. Stóð það alls yfir í 637 daga.

Frétt af mbl.is

Gylfi Þór var í farbanni í 637 daga

Gylfi orðið fyrir stórlegum skaða

Jón Steinar skrifar um málið á Facebook-síðu sinni. Segir hann virðast sem að yfirvöld hafi dregið lappirnar við að rannsaka málið og hvetur Gylfa til að leita réttar síns.

„Það er búið að halda manninum í farbanni í nær tvö ár. Hann hefur ekki getað stundað atvinnu sína þann tíma, en hann var hátt launaður atvinnumaður í fótbolta þegar ósköpin riðu yfir. Mér skilst að samkvæmt breskum rétti hafi tjáningarfrelsi hans verið takmarkað því hann hafi ekki mátt ræða málið opinberlega, t.d. til að bera af sér sakir.

Svo virðast yfirvöld hafa dregið lappirnar við að rannsaka málið. Niðurstaðan er sú að hann hefur skaðast stórlega þennan tíma, saklaus maðurinn. Það er ástæða til að hvetja Gylfa til að sækja rétt sinn fyrir dómi,“ skrifar Jón Steinar

• Blogga um frétt