Bolvíkingar nú 1.000

Bolvíkingar eru orðnir 1.000 talsins. Þetta gerðist síðastliðinn fimmtudag þegar þeim Gunnari Samúelssyni og Rúnu Kristinsdóttur, sem búa í Bolungarvík, fæddist dóttir.

Frétt af mbl.is

Íbúum mun fjölga um 20% í Bolungarvík

Eins og fram hefur komið í Morgunblaðinu hefur þess lengi verið beðið í bænum að íbúatalan nái fjögurra stafa tölu.

Þann 1. desember 2021 voru bæjarbúar 955 og í janúar síðastliðnum 997. Og nú er talan komin í 1.000 sem er 4,5% fjölgun íbúa á fimmtán mánuðum.

„Þessi viðburður markar tímamót fyrir sveitarfélagið,“ segir bæjarráð Bolungarvíkur sem bókaði sérstaklega um barnsfæðinguna á fundi sínum fyrir helgina. Jón Páll Hreinsson bæjarstjóri færði foreldrunum gjöf á laugardaginn og ætlar að heimsækja þau og barnið nú í vikunni.

Nán­ari um­fjöll­un er að finna í Morg­un­blaðinu í dag.