Innlent | mbl | 17.4.2023 | 10:22 | Uppfært 12:54

Rukkaður um 176 þúsund á Bæjarins bestu

Korthafar hafa margir hverjir lent í því að vera ranglega rukkaðir um himinháar upphæðir. Samsett mynd

Villa í greiðslukerfum þegar staðlabreytingar á íslensku krónunni voru innleiddar um allan heim ollu því að korthafar á Íslandi voru rukkaðir um rangar upphæðir.

Breytingin felur í sér að aukastafir við íslensku krónuna voru felldir á brott.

Íslendingar í Danmörku lentu í sömu vandræðum fyrir helgi en vandræðin tóku að gera vart við sig hér heima um helgina þegar Mastercard tók aukastafina út um klukkan 19 á laugardagskvöld.

Frétt af mbl.is

Íslendingar í kortavandræðum í Danmörku

Frétt af mbl.is

Viðskiptavinir gætu lent í vandræðum

Samkvæmt tilkynningu á vef Íslandsbanka er verið að vinna í því að leiðrétta færslurnar.

Árni Helgason lögmaður komst til dæmis að því í morgun að hann hefði verið stórtækur í Byko um helgina og gert ákaflega vel við sig á Bæjarins bestu þegar hann var rukkaður um 176 þúsund krónur.

Uppfært:

Frétt af mbl.is

Færslurnar leiðréttar sem fyrst

Gott móment á kassanum í Hagkaup í morgun að fá ekki heimild á kortinu fyrir appelsínusafa handa syninum. Skoðaði færsluyfirlitið og sá þá skýringu, kallinn var greinilega stór um helgina, straujaði milljón í Byko og 176 þús. á Bæjarins Bestu. Sé ekki eftir neinu.
— Árni Helgason (@arnih) April 17, 2023