Eldur kviknaði í jeppa á Reykjanesbraut

Eldur kviknaði í jeppa sem var ekið eftir Reykjanesbraut í norðurátt við Hnoðraholt í Garðabæ þegar klukkan var langt gengin í átta í morgun.

Að sögn varðstjóra hjá slökkviliðinu á höfuðborgarsvæðinu urðu engin slys á fólki en jeppinn varð alelda. 

Ljósmynd/Kristbjörg Guðmundsdóttir

Búið er að slökkva eldinn og eru slökkviliðsmenn að kæla jeppann og bíða eftir dráttarbíl.

Töluverðar umferðartafir hafa orðið vegna óhappsins.

• Blogga um frétt