Harður árekstur við Vatnsmýri

Tveir fólksbílar skullu saman á gatnamótum Hringbrautar og Njarðargötu á ellefta tímanum í kvöld. Að sögn Bjarna Ingimars­sonar, varðstjóra Slökkviliðsins á höfuðborg­ar­svæðinu, voru sex manns í bílunum tveimur, fjórir í öðrum og tveir í hinum.

Allir eru komnir út úr bílunum tveimur og enginn er alvarlega slasaður. Verið er að skoða hvort flytja þurfi einn á slysadeild með minniháttar áverka.

Annar bíllinn valt og hafnaði á hvolfi. Af myndum frá vettvangi að dæma hafa bílarnir báðir orðið fyrir verulegu tjóni.

Ljósmynd/Aðsend

• Blogga um frétt