Edda opnuð almenningi í dag

Edda, nýtt hús Stofnunar Árna Magnússonar í íslenskum fræðum og Háskóla Íslands, sem hafði gengið undir nafninu „Hús íslenskunnar“, var vígt í gær. Af því tilefni verður húsið opnað almenningi í dag, sumardaginn fyrsta, milli klukkan 10 og 16.

Þá geta gestir skoðað húsið áður en flutt er inn í það og starfsemi hefst. Boðið verður upp á fjölbreytta dagskrá þar sem íslensk tunga verður í aðalhlutverki. Aðgangur er ókeypis og öll velkomin.

Frétt af mbl.is

Hús íslenskunnar heitir Edda

Húsið er ætlað sem miðstöð rann­sókna og kennslu í ís­lensk­um fræðum: tungu, bók­mennt­um og sögu. Þar verða jafnframt varðveitt frumgögn um íslenska menningu, þ.e. handrit, skjöl, orða- og nafnfræðisöfn og þjóðfræðasöfn.

Í byggingunni eru ýmis sérhönnuð rými, svo sem fyrir varðveislu, rannsóknir og sýningu á fornum íslenskum skinnhandritum, vinnustofur kennara og fræðimanna, lesaðstaða fyrir nemendur, fyrirlestra- og kennslusalir og bókasafn með lesaðstöðu.

• Blogga um frétt